ХIалтIи гьабурабгIан батула

8
0

Поделиться

10 Апр 2013 г.

ГIаймаки буго цебе заманалдаса нахъего аскIор ругел росабалъе ине нухги бугеб, тIаде вачIарав чиясе гьумер битIараб жамагIат жаниб гIураб бакI. Нухлулазе санагIалъиялъе, как базеги, кваназеги бакI-бакIалда гьарун рукIун руго рукъзал. Гьанжеги гьединабго буго халкъ ва хириял гьалбал къабул гьаризе хIадурго рукIуна росуцоял. Амма гьелъул гуро бицине бокьун бугеб. Бокьун буго газета гьоркьобккун гIаймакдерил жамагIаталъул рахъалдасан росдал бетIер Баширов МухIамадие баркала загьир гьабизе ва 2011-2012 соназда гьарурал хIалтIабазул бицине.

1. Хасел тIаде щвеялдаса хIинкъун рукIунаан росдал гIадамал цояб авалалдаса цогидалде унаго бугеб эхедераялъул квешлъиялъ.   ГIазу бани, цIер чIвани гIадамал хьвадизеги  машинаби инеги хIинкъараб хIалалда букIуна нух. Росдал бегавул  Башировасул нухмалъиялда гъоркь, гIолохъабаз къокъабго заманалда жанир гIадамал хьвадизе санагIалъи букIине болъаби гьаруна  гьенир ва хасел тIаде щвелалде санагIатаб хIалалда  гьабуна нух.
2. Нижер  буго чваххунцIадал  рарабго росу бакьулъан иххал рахъунеб, киналго мугIрузул лъинал бакьулъан унеб бакI. Гьениб кьо базе хIукму гьабуна росдал депутатазги жамагIаталъги. ГIумаров Абакар, ГIалибулатов Шамил, СагIидов ГIабас, Басиров МухIамад ва цоги гIолохъабаз жидерго хIалтIухъ балагьичIого  кьо бана.
3. 1941-1945 соназда рагъде аразе лъураб памятник букIана росуцоязе рекIее гIолареб куцалда. Баширов МухIамадица хIукму гьабуна гьеб цIидасан базе. Рагъде аралщиназул сияхIги гьабун, цIаралги хъван берцинаб памятник гьабуна ХIакимов Камилица, ГIалибулатов ХIажияс, ТIагьиров МухIамадица, Дамиров АхIмадица. Гьанже гIисиназеги чIахIиязеги рес буго росулъа рагъде аразул цIарал лъазе ва умумузул гьабулеб адабалъухъ балагьизе.
4. Росулъ газ, ток свани халатбахъун толаро росдал бетIерас. Дагьал къояз газги гьечIого хутIун рукIана росуцоял, хун букIун буго газ  жаниб букIунеб къали. Гьебги, турарал турбабиги хисун,  гьеб суалги хехго тIубана гIолохъабаз: АсхIабгIумаров Шамилица, Каримица ва Набигулаев ГIумарица.
5. Нижер буго кIудияб росу.  Руго гIемерал авалал. Цо рахъалдаса цоги авалалде ине ккани гIезегIан заман хIажалъула.  Радал-бакъанида какде ине авал-мажгитал руго. Рузман баялъеги цогидалъеги данделъизе бегьулеб кIудияб мажгит бана тIад авалалда. Гьениб буго хвел-гIел ккани жанир лъугьине рукъ, жаназа чуризе бакI,  лъимал цIализаризе мадраса. Гьеб мажгит базе тIоцебе хIаракат бахъарав чи ккола МухIамад-патихI ГьитIинов, базе байбихьана ва лъугIизегIан квер тIаса босичIо МухIамадов ГIабдулагь-хIажияс. Гьеб мажгит баялъе квербакъи гьабуна цебе районалъул бетIерлъун вукIарав МахIачицаги, росдал бетIерлъун вукIарав  Расулицаги ва гIемерал цогидазги.
6. Росдае санагIатаб хIалтIи гьабуна ХIасанхIусенов МухIамадкамилица. Лъарал рагIалдаса гIебеде къед баялъе квербакъана гьес. ХIалтIи гьабуна АсхIабгIумаров  Каримица. Гьев вуго гьабулеб ишалъулъ мухIканлъи бугев, киналго разияв гIолохъанчи.

Гьал ва цогидалги гIемерал хIалтIаби гьаруна росдал бегавуласул нухмалъиялда гъоркь. Амма гьаризе хIалтIабиги жеги руго. Дунял хинлъигун гьаризе ругел хIалтIабазул бицунаго, тIоцебесеб иргаялда, киназулго рокъоб лъим букIунеб хIал гьабизе бугин, хадуб боцIуе лъим букIине хIорал гьаризе яги рогIрал лъезе ругин абуна МухIамадица.
Нухал къачIазеги, биххараб бакIалда къед базеги щиб къваригIел кканиги хIадурго ратула росдал гIолохъабиги бегавулги.

, раздел: Статьи

Автор: ГIаду Гъафуров, ГIаймаки росу
8
0

Поделиться

0

10 Апр 2013 г.

Комментарии к статье

Комментариев пока нет, будьте первыми..

Войти с помощью: 
Чтобы ответить, вам необходимо

Похожие статьи

  • Родник науки (Абубакар из Аймаки (1711-1791 гг.)

    Ученый, получивший самую высокую оценку всех алимов своего времени, поэт, мыслитель и государственный деятель Абубакар родился в 1711 году в...

    6

    Мар 2012 г.

  • Магомед Маликов: «Видел его глаза: это был нокаут»

    Великолепная победа дагестанского бойца Магомеда Маликова из клуба «Горец» над Александром Емельяненко на турнире M-1 Challenge XXVIII в Астрахани...

    9

    Ноя 2011 г.

  • Смоленскиялдаса ГIаймакиве

    КIудияб ВатIанияб рагъул соназда гьитIинабго ГIаймакиб росулъа рагъде ана 152 чи. Гьезда гьоркьоса 82-яв тIадвуссинчIо. 70-гIан соналъ цере рагъде...

    3

    Янв 1970 г.

  • ГIаймакдерил анищ тIубана

    Исана 375 азарго цIалдохъанас байбихьана жидерго цIалул сон. Гьезда гьоркьор 37 азаргоял руго тIоцере партабазда нахъе гIодор чIарал...

    17

    Янв 1970 г.

Авторизация
*
*
Войти с помощью: 
Регистрация
*
*
*
Пароль не введен
*
Войти с помощью: 
Генерация пароля