Гlашалисезде

08 Апр 2013 г.

Гlажаибго лъикlаб Гlашалиб росо,

Бищунго берцинаб мугlрул расалъи.
Лъикlал гlадамаца гlумру гьабулеб,
Гlаданлъи лъикlазул баракатаб ракь.
Тажудин шайхасул щвараб гьезие,
Щулияб тlарикъат Тlагьа разияб.
Тlолабго халкъалъе лъалеб устарлъи,
Лъикlав Муршидасул иман буголъи.
Аллагьасго кьураб кьер- кьераб нигlмат,
Тlабигlат рекъеялъ рекъохъ бижараб.
Алжаналъул агьлу гьел ГIашалисел,
Щваралда гlей гьабун гlумру гьабулел.
Гlешелдерил ахикь пихъги бижулеб,
Бажарун гьабиялъ гьарзалъи гlураб.
Гlадаталги росдал хасал жудорго,
Хвезего толарел рекъон хlалтlиялъ.
Хlалалаб бацlцlадаб магlишат гьезул,
Боцlиги хьихьулеб хурги бекьулеб.
Бокьун гьабулелъул хlасcил щулияб,
Щивасул рокъобе бечелъи щолеб.
Чамги гlалим-гlакъил вижараб росо,
Жакъа Гlадамазе бицен хутlарал.
Хал гьабе нужеца гlаданлъиялъул,
Гьезул гlамалалъул Гlодор риччараб.
Чучлъизе течlеб гьез гьунар кидаго,
Гьалбал рокьулезул кьучlаб чlаголъи.
Чlагоялгlадамал чармил ракlазул,
Рахъизе хlадурал хlалай лъиего.
Лъикlаб гlакъиллъиги гlураб сабруги,
Сундулъго рекъолеб тlабигlат гьезул.
Гlатlидал ракlазул сахаватал гьел,
Хириял лъиего лъкlал гlадамал.
Гlашалдерил рекъей къуват росдалго,
Къиматаб халкъалъе адабгин хlурмат.
Бахlарчилъи гьезул цоцалъ гьуинлъи,
Гьабулеб ишалъулъ рацlалъи цlуни.

Ашали

, раздел: Устное народное творчество

Автор: Хlажимурад Гъазимухlамадоов, Кванхидалъ росо

08 Апр 2013 г.

Комментарии к статье

Комментариев пока нет, будьте первыми..

Для отправки комментария вам необходимо авторизоваться.

Войти с помощью:

Чтобы ответить, вам необходимо